2016 yil 16 sentyabr kuni Toshkent shahrida O`zbekiston “Milliy tiklanish” demokratik partiyasi Markaziy Kengashining navbatdagi Plenumi bo`lib o`tdi.
Unda O`zbekiston “Milliy tiklanish” demokratik partiyasi Markaziy Kengashi, Oliy Majlis Qonunchilik palatasidagi partiya fraksiyasi va xalq deputatlari mahalliy Kengashlardagi partiya guruhlari a`zolari, partiya faollari va ommaviy axborot vositalari vakillari ishtirok etdilar.
Plenumda 2016 yil 4 dekabr kuni bo`lib o`tadigan O`zbekiston Respublikasi Prezidenti saylovida O`zbekiston “Milliy tiklanish” demokratik partiyasining ishtiroki, O`zbekiston Respublikasi Prezidentligiga “Milliy tiklanish” demokratik partiyasidan nomzod ko`rsatish taklifi hamda partiyaning navbatdagi S`ezdini chaqirish to`g`risidagi masalalar muhokama qilindi.
Plenumda e`tirof etilganidek, O`zbekiston Respublikasi Markaziy saylov komissiyasi tomonidan 2016 yilning 9 sentyabridan O`zbekiston Respublikasi Prezidenti saylovi bo`yicha saylov kampaniyasi boshlanganligi e`lon qilindi. Shuningdek, O`zbekiston Respublikasi Prezidenti sayloviga tayyorgarlik ko`rish va uni o`tkazish bo`yicha asosiy tadbirlar dasturi tasdiqlandi.
Plenumda ta`kidlanganidek, O`zbekiston “Milliy tiklanish” demokratik partiyasining Ustavida partiyaning O`zbekiston Respublikasi Prezidentligiga bo`lib o`tadigan saylovlarda ishtirok etishi belgilangan.
Shundan kelib chiqqan holda Plenumda partiyaning O`zbekiston Respublikasi Prezidenti saylovida ishtirok etishi to`g`risida qaror qabul qilindi.
O`zbekiston Respublikasi Prezidenti lavozimiga O`zbekiston “Milliy tiklanish” demokratik partiyasidan nomzod ko`rsatish taklifi Plenum a`zolarining fikr-mulohazalari va takliflari asosida ko`rib chiqildi. Bu borada partiya tarafdorlari va faollari tomonidan qo`llab-quvvatlangan O`zbekiston «Milliy tiklanish» demokratik partiyasi Markaziy Kengashi raisi, partiyaning Oliy Majlis Qonunchilik palatasidagi fraksiya rahbari Otamuratov Sarvar Sadullaevich S`ezdda ko`rib chiqish uchun partiyadan O`zbekiston Respublikasi Prezidenti lavozimiga nomzod sifatida ma`qullandi.
Amaldagi saylov qonunchiligiga asosan, O`zbekiston Respublikasi Prezidenti lavozimiga partiya tomonidan nomzod ko`rsatish partiyaning oliy organi – S`ezdi tomonidan amalga oshiriladi. Shundan kelib chiqib, Plenumda joriy yil 15 oktyabr kuni partiyaning navbatdagi V S`ezdini chaqirish va bu masalani S`ezd muhokamasiga qo`yishga kelishib olindi.
Plenum so`ngida muhokama etilgan barcha masalalar yuzasidan tegishli qarorlar qabul qilindi.
“O`zbekiston Respublikasi Prezidenti saylovi to`g`risida”gi Qonuniga asosan O`zbekiston “Milliy tiklanish” demokratik partiyasining O`zbekiston Respublikasi Prezidenti saylovida ishtirok etishiga ijozat olish uchun partiya tomonidan Markaziy saylov komissiyasiga belgilangan hujjatlar taqdim etiladi.
13.09.2023, 11:02
Osiyo kubogi uchun saralash o`yinlari yakunlandi, deya xabar bermoqda "darakchi.uz" muxbiri. Ma`lum bo`lishicha, so`nggi 6 o`yinda raqiblari darvozasiga 25 ta gol kiritib, 3 ta gol o`tkazib...
24.01.2023, 10:47
Avval xabar qilganimizdek, O`zbekiston va Qirg`iziston hamkorlikda 19 turdagi engil avtomobillar, jumladan mikroavtobus, pikap, sedan va boshqalarni ishlab chiqarishni rejalashtirgan. Qirg`izistonda ishlab chiqarilgan avtomobillar narxi 13...
18.01.2023, 11:45
Rossiya prezidenti Vladimir Putin iqtisodiy masalalar bo`yicha yig`ilish o`tkazdi va unda Markaziy Osiyo mamlakatlaridagi sovuqlar haqida fikr bildirdi. Rossiya rahbari bosh vazir Mixail Mishustindan agrosanoat majmuasida...
22.06.2022, 15:14
O`zbekiston Prezidenti Shavkat Mirziyoev va Ozarbayjon Prezidenti Ilhom Aliev Xiva shahriga tashrif buyurdi. Bu haqda Prezident matbuot xizmati xabar qilmoqda. Kecha bo`lib o`tgan muzokaralar yakunida davlatimiz...
