Ijtimoiy tarmoqlarda "Tez yordam" haydovchilariga tezlik uchun jarimalar kelayotgani aytilgan video tarqaldi. Unda kameralar "Tez yordam" mashinalarini ham ayamayotgani, haydovchilarga jarima qog`ozlari kelishni boshlagani aytilgan.
IIV YHXX ushbu xabarlar yuzasidan ma`lumot berdi. Unda aytilishicha, 1 noyabr kuni IIV JXD YHXX boshlig`i, Tez tibbiy yordam xizmati markazi rahbari hamda Sog`liqni saqlash vazirligi avtotransport bo`limi mas`ul xodimlari ishtirokida tez tibbiy yordam avtomobillarining maxsus foto-video fiksasiya moslamari orqali qayd etilgan yo`l harkati qoidalarini buzish holatlari bo`yicha kelib chiqayotgan muammolarni bartaraf etish yuzasidan uchrashuv tashkil etilib, ishchi guruhi tuzilgan.
Tez tibbiy yordam avtomobilining haydovchisi Yo`l harakati qoidalarining 25-bandi asosida belgilangan tartibda ayrim qoidalarning talablaridan chetga chiqishi mumkin.
Bunday holatda maxsus kameralar orqali avtomobil qayd etilgan taqdirda kechiktirib bo`lmaydigan xizmat vazifalarini bajarganlikni tasdiqlovchi hujjatlar taqdim etilganda haydovchilarning ma`muriy qoidabuzarligi oxirgi zarurat holatlarida sodir etilgan deb topiladi va ma`muriy ish ushbu kodeksning 271-moddasiga muvofiq tugatiladi.
Ta`kidlanishicha, hozirda ijtimoiy tarmoqda tarqalgan video batafsil o`rganilmoqda.
