"Chotqol" davlat biosfera rezervat qo`riqxonasi hududida ayni paytda qorning qalinligi 1-1,5 metrni tashkil etmoqda. Bu haqda Toshkent viloyati Ekologiya va atrof-muhitni muhofaza qilish boshqarmasi xabar bermoqda.
Qo`riqxona hududining ayrim shamol orqali to`planib qolgan joylarida qorning qalinligi 2 metrni ko`rsatmoqda.
"Chotqol" davlat biosfera rezervat qo`riqxona yuqori qismida hozirda qor yog`moqda. Qo`riqxona hududida ayni damda havo harorati 15-17darajada sovuq ekanligi qayd etildi.
"Nurota" davlat qo`riqxonasida ham ayni damda qor yog`ishni boshlagan. Bu erda havo harorati -5 gradusni tashkil etmoqda.
