USAID’ning silga qarshi kurash dasturi doirasida olti nafar o`zbekistonlik mutaxassis Nyu-Jersi (AQSh) Ratgers Universiteti qoshidagi Xalqaro sil institutida silni oldini olish, tashxislash va davolashdagi ilg`or tajribani o`rganish imkoniyatiga ega bo`ladi. Bu haqda “Daryo” xabar bermoqda.
Sentyabrga rejalashtirilgan etti kunlik o`quv dasturi USAID tomonidan O`zbekiston silga qarshi kurash Milliy dasturini qo`llab-quvvatlash doirasida o`tkazilayotgan qator tadbirlardan biridir. Unda Buxoro, Xorazm, Navoiy va Qashqadaryo viloyatlari silga qarshi kurash muassasalar rahbarlari ishtirok etishi kutilmoqda.
So`nggi o`n yil davomida Ratgers universiteti qoshidagi Xalqaro sil institutida 25 mamlakatning yuzlab mutaxassislari o`z bilimi va tajribasini oshirgan. Universitet tomonidan yaratilgan seminar va o`quv dasturlari milliylikka xos xususiyatlarni hisobga olgan holda hamda Jahon sog`liqni saqlash tashkilotining oxirgi tavsiyalariga muvofiq ishlab chiqilgan.
Bir haftalik tajriba almashish muddati quyidagilarni o`z ichiga oladi: AQShning silga qarshi kurash xizmatini tashkil etilishini o`rganish, silni erta aniqlash usullari bilan tanishish, laborator va differensial tashxislash hamda sil bemorlarni klinik kuzatish va bemorlarni ruhan va ijtimoiy qo`llab-quvvatlash.
Shuningdek, ushbu kurs sil bemorlarni stasionar va ambulator bosqichlarida davolash, silning murakkab holatlarini davolashni tashkil qilish, shu jumladan, sil va OIV qo`shma infeksiyalarini hamda silga qarshi yangi preparatlarni qo`llash va davolashning yangicha tartibini qamrab olgan.
Kurs doirasida O`zbekiston ftiziatrlari AQSh hamkasabalarining bemorlarni hisobga olish va ro`yxatdan o`tkazishda elektron bazalari va kommunikasiya vositalaridan foydalanish tajribalarini o`rganish bilan bir qatorda silga qarshi kurash muassasalarining infeksion nazorati bilan tanishadi.
13.09.2023, 11:02
Osiyo kubogi uchun saralash o`yinlari yakunlandi, deya xabar bermoqda "darakchi.uz" muxbiri. Ma`lum bo`lishicha, so`nggi 6 o`yinda raqiblari darvozasiga 25 ta gol kiritib, 3 ta gol o`tkazib...
24.01.2023, 10:47
Avval xabar qilganimizdek, O`zbekiston va Qirg`iziston hamkorlikda 19 turdagi engil avtomobillar, jumladan mikroavtobus, pikap, sedan va boshqalarni ishlab chiqarishni rejalashtirgan. Qirg`izistonda ishlab chiqarilgan avtomobillar narxi 13...
18.01.2023, 11:45
Rossiya prezidenti Vladimir Putin iqtisodiy masalalar bo`yicha yig`ilish o`tkazdi va unda Markaziy Osiyo mamlakatlaridagi sovuqlar haqida fikr bildirdi. Rossiya rahbari bosh vazir Mixail Mishustindan agrosanoat majmuasida...
22.06.2022, 15:14
O`zbekiston Prezidenti Shavkat Mirziyoev va Ozarbayjon Prezidenti Ilhom Aliev Xiva shahriga tashrif buyurdi. Bu haqda Prezident matbuot xizmati xabar qilmoqda. Kecha bo`lib o`tgan muzokaralar yakunida davlatimiz...
