O`zbekiston Respublikasi Prezidenti vazifasini bajaruvchi, Respublika Bosh vaziri Shavkat Mirziyoev 25 sentyabr kuni Toshkent shahrining Sergeli tumanida olib borilayotgan bunyodkorlik va obodonlashtirish ishlari, aholi mavzelari, ko`p qavatli turar joylar va ijtimoiy soha ob`ektlarini kuzgi-qishki mavsumga tayyorlash ishlarining borishi bilan yaqindan tanishdi. Ayniqsa, nurab qolgan eski uylar o`rnida yangi binolarni qurish, ko`p qavatli uylardagi yashash sharoitlarini yanada yaxshilash, aholining talab va ehtiyojlarini inobatga olib, kommunal xizmatlar sifatini oshirish, bu borada iqtisodiy tejamkor usullarni joriy etish masalalariga alohida e`tibor qaratdi.
Aholi vakillari va shahar rahbarlari, mutasaddilar ishtirokida o`tkazilgan uchrashuvda Shavkat Mirziyoev Toshkent shahri uchun ustuvor ahamiyatga ega bo`lgan yirik dastur – Sergeli tumanida 2017-2022 yillarda 500 ta ko`p qavatli uyning bunyod etilishi bilan bog`liq loyiha ishlab chiqilganiga alohida to`xtaldi. Bu turar joylarning bugungi kun talablariga to`la javob beradigan puxta loyihalar asosida qurilishi, ularni eng zamonaviy infratuzilmalar bilan ta`minlash bo`yicha mutasaddi rahbarlar va mutaxassislar bilan atroflicha fikr almashdi.
Ta`kidlash joiz, bu ulkan loyihaning amalga oshirilishi qariyb 30 ming oilaning yangi uy-joyga bo`lgan ehtiyojini qondirish imkonini yaratadi. Shunisi e`tiborliki, uylar oilalarga imtiyozli ipoteka krediti orqali beriladi.
Uchrashuvda yana bir muhim masala – azim poytaxtimizning barcha tumanlarida yangi madaniyat va istirohat bog`lari barpo etish, yashil maydon va hududlarni yanada ko`paytirish masalasi muhokama etildi. Poytaxtda yangi transport-kommunikasiya tarmoqlari, madaniy-maishiy ob`ektlar bunyod etish, er usti tezyurar metro yo`nalishlari qurilishini loyihalashtirish ishlarini jadallashtirish borasida aniq vazifalar belgilab olindi.
Shavkat Mirziyoev yaqin kelgusida amalga oshirilishi mo`ljallangan bu loyihalar nafaqat Sergeli tumanini, balki butun Toshkent shahrining imkoniyat va salohiyatini yanada yuksaltirish yo`lida katta istiqbollar ochib berishini qayd etdi.
Ushbu bunyodkorlik ishlari zamirida qurilish materiallari ishlab chiqarishga ixtisoslashgan tadbirkorlik sub`ektlari faoliyatini har jihatdan qo`llab-quvvatlash va rag`batlantirish, mahalliy resurslardan keng foydalanish, sohada minglab yangi ish o`rinlarini yaratish ko`zda tutilgani, ayniqsa, ahamiyatlidir.
Uchrashuvda poytaxt aholisi uchun yanada qulay shart-sharoitlar yaratish, ulkan hajmdagi obodonchilik va ko`kalamzorlashtirish ishlarini amalga oshirish, bir so`z bilan aytganda, odamlarni hayotdan rozi qilish masalasi doimiy e`tibor markazida bo`lishi ta`kidlandi.
Bebaho boyligimiz bo`lgan tinchlik va osoyishtalikni ko`z qorachig`idek asrash eng dolzarb vazifadir. Uchrashuvda Toshkent shahrida tartib-intizomni har tomonlama mustahkamlash, pasport-viza rejimiga qat`iy amal qilish bo`yicha mutasaddi vazirlik va idoralar rahbarlarining hisobotlari tinglandi va muhokama etilgan barcha masalalar bo`yicha tegishli qarorlar qabul qilindi.
16.05.2024, 13:28
Toshkentda metropoliten xodimi pora bilan ushlandi. U fuqaroning ishonchiga kirib, uni ishga joylab qo`yishni va`da qilgan. Bu haqda Toshkent metropoliteni matbuot xizmati xabar berdi. Ma`lum qilinishicha,...
14.05.2024, 14:15
Joriy yilning 13 may kuni Toshkent shahar jinoyat ishlari bo`yicha Chilonzor tuman sudida ko`chada ayolga shilqimlik qilgan yigit bo`yicha ish ko`rib chiqildi. Bu haqda darakchi.uz...
08.05.2024, 17:27
O`zbekiston Jahon tillari universitetining 2 bosqich talabasi bo`lgan 20 yoshli yigit Toshkentdagi Isroil elchixonasi yoniga borib, uni yoqib yuborish maqsadida devor osha ichkariga kerosin solingan...
29.04.2024, 14:00
2024 yilning yanvar-mart oylarida nominal hisoblangan ish haqi o`rtacha 8 mln.ni tashkil etadi. Bu haqda Statistika agentligi xabar berdi. Ish haqining eng yuqori ko`rsatkichlari Toshkent...
