Mamlakatimizda amalga oshirilyotgan islohotlar tufayli sug`urta moliya bozorining muhim qismiga aylanib, sug`urta biznesini yuritishda xalqaro amaliyotga javob beruvchi tizim shakllandi. Bugungi kunda mamlakatimizda yigirma ettita sug`urta kompaniyasi faoliyat ko`rsatmoqda. Ular ko`rsatayotgan xizmatlar turi yuzdan oshdi, deya xabar beradi O`zA.
«O`zbekinvest» eksport-import milliy sug`urta kompaniyasida jurnalistlar uchun tashkil etilgan seminarda sug`urtaning asoslari, afzalliklari, sug`urta shartnomasi tuzilishidan sug`urta qoplamasi to`lovigacha bo`lgan sug`urta mexanizmi kabi masalalar haqida atroflicha ma`lumot berildi.
Kompaniyada «Transport vositalari egalarining fuqarolik javobgarligini majburiy sug`urtalash», «Baxtsiz hodisalardan sug`urtalash», «Tibbiy sug`urta», «Mol-mulk sug`urtasi» kabi eng ommabop 10 turdagi sug`urta mahsulotlarini internet orqali sotib olish mumkin.
“Moody’s Investors Service Ltd.” xalqaro reyting agentligining O`zbekiston moliya bozoridagi eng yuqori xalqaro reytingiga ega bo`lgan kompaniyaning markaziy apparati va hududiy filiallarida axborot-maslahat guruhlari faoliyat yuritmoqda. Mijozlar sug`urta masalalari, jumladan, mavjud sug`urta turlari, sug`urta shartnomasi shartlari, sug`urta da`volarini ko`rib chiqish, sug`urta tovonini to`lash tartiblari va boshqa masalalar to`g`risidagi batafsil ma`lumotlarni olish uchun elektron pochta (maslahat@uzbekinvest.uz) yordamida mutaxassislar maslahatlaridan foydalanishlari mumkin.
Kompaniyaning moliyaviy ishonchliligi sug`urta hodisasi yuz berganda sug`urta qoplamalarini o`z vaqtida to`lash va mijozlarni sug`urta himoyasi bilan ta`minlashni samarali amalga oshirish imkonini bermoqda. Sug`urta da`volarini ko`rib chiqish va tartibga solish muddatlari ham qisqardi. Qonun hujjatlarida o`n besh kunda sug`urta da`volarini ko`rib chiqish ko`zda tutilgan. Kompaniyada sug`urta da`volari besh kunda ko`rib chiqilmoqda.
Tadbirda aholining sug`urta madaniyatini oshirishda “O`zbekinvest” kompaniyasi va ommaviy axborot vositalari o`rtasidagi hamkorlikni yanada kengaytirish masalalari bo`yicha fikr almashildi. Jurnalistlar o`zlarini qiziqtirgan savollarga javob oldi.
13.09.2023, 11:02
Osiyo kubogi uchun saralash o`yinlari yakunlandi, deya xabar bermoqda "darakchi.uz" muxbiri. Ma`lum bo`lishicha, so`nggi 6 o`yinda raqiblari darvozasiga 25 ta gol kiritib, 3 ta gol o`tkazib...
24.01.2023, 10:47
Avval xabar qilganimizdek, O`zbekiston va Qirg`iziston hamkorlikda 19 turdagi engil avtomobillar, jumladan mikroavtobus, pikap, sedan va boshqalarni ishlab chiqarishni rejalashtirgan. Qirg`izistonda ishlab chiqarilgan avtomobillar narxi 13...
18.01.2023, 11:45
Rossiya prezidenti Vladimir Putin iqtisodiy masalalar bo`yicha yig`ilish o`tkazdi va unda Markaziy Osiyo mamlakatlaridagi sovuqlar haqida fikr bildirdi. Rossiya rahbari bosh vazir Mixail Mishustindan agrosanoat majmuasida...
22.06.2022, 15:14
O`zbekiston Prezidenti Shavkat Mirziyoev va Ozarbayjon Prezidenti Ilhom Aliev Xiva shahriga tashrif buyurdi. Bu haqda Prezident matbuot xizmati xabar qilmoqda. Kecha bo`lib o`tgan muzokaralar yakunida davlatimiz...
