Tojikistondan elektr energiyasining mavsumiy import amaliyoti boshlandi. Bu haqda "O`zbekiston MET" AJ Axborot xizmati o`z rasmiy sahifasida e`lon qildi.
Qayd etilishicha, yozgi meliorasiya davrida ishlab chiqariladigan elektr energiyasini O`zbekistonga eksport qilish amaliyoti 2018 yildan buyon mavjud bo`lib, bu o`z navbatida mamlakatimiz suv havzalariga kirib keladigan tabiiy suv oqimini oshirishga xizmat qiladi.
Shu munosabat bilan, 2023 yil 12 may kuni respublikamizda energetika va suv resurslari muvozanatini saqlash hamda iste`molchilarni elektr energiyasi bilan ta`minlanish maqsadida "O`zbekiston milliy elektr tarmoqlari" AJ va "Barki Tochik" kompaniyasi o`rtasida joriy yilning may-sentyabr oylarida elektr energiyasini etkazib berish bo`yicha shartnoma imzolandi, deyiladi xabarda.
