Xorazmda erkak fotosuratlarini tarqatib yubormaslik uchun ayoldan 1.300 AQSh dollari pul talab qilgan. Bu haqda IIV xabar berdi.
Ma`lum qilinishicha, Xorazm viloyati Urganch shahrida yashovchi 32 yoshli (ayol) Sh.N. o`zini “Timur” deb tanishtirgan Telegram messenjeri foydalanuvchisi bilan tanishib qolgani va unga o`zining behayo fotosuratlarini yuborganini, ushbu fotosuratlarini tarqatib yuborish bilan qo`rqitib, “Timur” undan 1.300 AQSh dollari pul talab qilayotganini ma`lum qilgan.
O`rganish davomida, “Timur” ismidan foydalangan shaxs aslida Xorazm viloyati, Urganch shahrida yashovchi 34 yoshli (erkak) F.B. ekanligi, onlayn tanishuvlarda “Timur” ismidan foydalanib kelganligi aniqlandi.
O`tkazilgan tezkor-qidiruv tadbirlari natijasida, F.B. talab qilingan pullar o`rniga fuqaro N.Sh.dan “Samsung Gallaxy S20» telefoni va 100 AQSh dollari miqdoridagi pulni olayotgan vaqtida qo`lga olindi. Jinoyat sodir etgan F.B. O`zbekiston Respublikasi JKning 165-moddasi bilan jinoiy javobgarlikka tortildi.
Qonunga muvofiq, F.B. tomonidan sodir etilgan jinoiy harakatlar uchun 3 yildan 5 yilgacha ozodlikdan mahrum qilish jazosi nazarda tutilgan.
