Toshkent shahri Yashnobod tumanidagi 4-shahar klinik shifoxonasi tubdan rekonstruksiya qilinib, foydalanishga topshirildi. Shu munosabat bilan bo`lib o`tgan tadbirda davlat va jamoat tashkilotlari vakillari, olimlar, shifokorlar ishtirok etdi. Bu haqda O`zA xabar bermoqda.
Tadbirda so`zga chiqqanlar mamlakatimizda Birinchi Prezidentimiz Islom Karimov rahnamoligida sog`liqni saqlash tizimini isloh etish borasida amalga oshirilgan uzluksiz chora-tadbirlar inson salomatligini asrash va jamiyat taraqqiyotini yuksaltirishning muhim omili bo`layotganini alohida ta`kidladi.
“Sog`lom ona va bola yili” Davlat dasturi doirasida bu boradagi ishlar ko`lami tobora kengaymoqda. 4-shahar klinik shifoxonasi poytaxtimizning Yashnobod, Bektemir, Mirobod, Mirzo Ulug`bek, Sergeli tumanlari aholisiga xizmat ko`rsatadi.
Birinchi Prezidentimiz Islom Karimovning 2013 yil 18 noyabrdagi O`zbekiston Respublikasining 2014 yilgi investisiya dasturi to`g`risidagi qarori asosida ushbu tibbiyot muassasasida bosqichma-bosqich qurilish-rekonstruksiya ishlari amalga oshirildi. Bu ishlarga 27 milliard so`mdan ko`proq mablag` yo`naltirildi.
Rekonstruksiya ishlari natijasida klinikaning barcha bo`limlari zamonaviy qiyofaga kirdi. Binolarning atrofi tubdan obodonlashtirilib, yashil hududlar barpo etildi. Barcha bo`limlar jahon tibbiyotining eng so`nggi yutuqlari asosida yangi tibbiy diagnostika vositalari, jihozlar bilan ta`minlandi. Zamonaviy UTT, MSKT, rentgen, laparoskopik vositalar, fizioterapiya muolajalarini o`tkazishda qo`llaniladigan tibbiy asbob-uskunalar bunga misoldir.
Tadbirda O`zbekiston Respublikasi Bosh vazirining o`rinbosari A.Ikromov so`zga chiqdi.
22.04.2024, 15:52
Toshkent shahrida ijara narxlari pasayishda davom etmoqda. Bu haqda Makroiqtisodiy va hududiy tadqiqotlar instituti mutaxassislari ma`lum qildi. 2024 yil mart oyida fevralga nisbatan poytaxtda o`rtacha ta`mirlangan xonadonlar ijara...
17.11.2023, 09:49
3 yildan beri “Barkamol avlod” bolalar maktabining robototexnika to`garagiga qatnaydigan Ozodbek Hoshimov odamlarni is gazidan saqlab qoladigan ixtiro yaratdi. Bu haqda Maktabgacha va maktab ta`limi...
10.11.2023, 12:45
Poytaxt markazida qurilgan yangi ko‘p qavatli uy hali egalariga topshirilmasdanoq kuni kecha yog‘ib o‘tgan yomg‘irdan so‘ng dahshatli manzara kasb etib qoldi. 11 qavatli uyning zinalari...
06.09.2023, 10:12
Kecha, 4 sentyabr kuni Toshkent shahri Mirzo Ulug`bek tumanida noma`lum shaxs pod`ezdga kirib ketayotgan qizga hujum qilgani haqida xabar qilingan edi. Ayni paytda Toshkent shahar IIB...
