O‘zbekiston yoshlari o‘rtasida innovatsiya, ilm-fan va texnologiyani rivojlantirishga xizmat qiluvchi “Mirzo Ulug‘bek vorislari” tanlovining 2023-yilgi yakuniy bosqichi o‘z nihoyasiga yetdi. Tanlovda butun respublika bo‘ylab 995 yoshlar — 18 yoshdan 25 yoshgacha bo‘lgan ishtirokchilar — o‘z loyihalari bilan qatnashdi. Qolaversa, barcha g‘oyalar onlayn va offline tarzda qabul qilindi. Bu esa O’zbekiston yoshlariga yoshlar uchun teng va qulay imkoniyatlar yaratdi.
Tanlov uch bosqichda tashkil etildi. Birinchi bosqich tuman va shaharlar darajasida, ikkinchisi viloyat bosqichlarida, final esa respublika miqyosida o‘tkazildi. Yakuniy bosqichda tanlab olingan eng yaxshi loyihalar muhokama qilinib, bir nechta g‘oliblar e’lon qilindi.
_KLourer.jpg)
Ular orasida Malika Xikmatillayeva alohida e’tiborni tortdi. U — hozirda AQShning Wisconsin Universitetida huquq bo‘yicha magistratura (LL.M.) dasturida tahsil olayotgan o‘zbekistonlik talabadir. Shunga qaramay, Malika yurtida o‘tkazilayotgan bu muhim tanlovda qatnashishga qaror qildi va 2023-yilgi respublika final bosqichida g‘olib deb topildi.
U taqdim etgan loyiha — xorijda o‘qish jarayonini sun’iy intellekt yordamida yengillashtiruvchi mobil ilova bo‘lib, abituriyentlarga universitet tanlash, ariza topshirish, hujjat tayyorlash, vizaga murojaat qilish kabi bosqichlarda AI asosida ko‘mak berishni maqsad qilgan. Loyiha nafaqat texnologik, balki ijtimoiy foydalilik jihatidan ham yuqori baholandi.
Tanlov hakamlar hay’ati Malikaning ishtirokini o‘ziga xos va ilhomlantiruvchi deb atadi. Ularning so‘zlariga ko‘ra, xorijda tahsil olib, yuqori ilmiy yuklama bilan yashayotgan bir yoshning o‘z yurti uchun vaqt ajratib, tanlovda qatnashishi va g‘olib bo‘lishi butun komissiyani hayratga soldi.
“Malika Xikmatillayeva tanlovda o‘z bilimini, yurtga sadoqatini va ilg‘or fikrlash qobiliyatini namoyon etdi. Uning ishtiroki yoshlarimiz uchun chinakam motivatsiya bo‘ldi,” — deyiladi komissiya bayonotida.
Bugun “Mirzo Ulug‘bek vorislari” tanlovi respublika miqyosida eng nufuzli intellektual platformalardan biriga aylanib bormoqda. Bu yilgi g‘oliblar orasida Malika kabi yoshlarning borligi esa O‘zbekistonning ilm-fan va texnologiyalar sohasidagi porloq kelajagini belgilab bermoqda.
Jasmina Shaimova
