my5
all

Markaziy saylov komissiyasida EXHT Ehtiyojlarni baholash missiyasi ekspertlari bilan uchrashuv bo`lib o`tdi

Jamiyat 12.10.2016, 14:40
Теглар: Saylov
1642
Markaziy saylov komissiyasida EXHT Ehtiyojlarni baholash missiyasi ekspertlari bilan uchrashuv bo`lib o`tdi

O`zbekiston Respublikasi Markaziy saylov komissiyasida EXHT Demokratik institutlar va inson huquqlari bo`yicha byurosi saylov departamenti rahbari Aleksandr Shlik boshchiligida mamlakatimizga tashrif buyurgan Ehtiyojlarni baholash missiyasi (EBM) ekspertlari bilan uchrashuv bo`lib o`tdi. 

Markaziy saylov komissiyasi raisi M.Abdusalomov ekspertlarga O`zbekiston Respublikasi Prezidenti sayloviga tayyorgarlik ko`rish va uni o`tkazish bo`yicha asosiy tadbirlar dasturini amalga oshirish bo`yicha Markaziy hamda okrug saylov komissiyalari tomonidan amalga oshirilayotgan ishlar xususida ma`lumot berdi. 

O`zbekistonda Prezident sayloviga tayyorgarlik ko`rish hamda o`tkazish ochiqlik va oshkoralik tamoyillari asosida amalga oshirilmoqda. Saylov kampaniyasi bilan bog`liq barcha materiallar Markaziy saylov komissiyasi saytiga joylashtirilmoqda. O`zbekiston Respublikasi Prezidenti saylovini yoritish bo`yicha Respublika matbuot markazi hamda okrug saylov komissiyalari matbuot markazlari faoliyat ko`rsatmoqda. Markaziy saylov komissiyasi yig`ilishlari onlayn shaklda o`tkazilmoqda. 

EBM ekspertlarining fikricha, Markaziy saylov komissiyasi tomonidan bo`lajak saylovlarni kuzatish yuzasidan EXHT Demokratik institutlar va inson huquqlari bo`yicha byurosiga taklifnomaning o`z vaqtida yuborilgani xalqaro saylov standartlari talablariga to`la mos keladi. 

Markaziy saylov komissiyasi fuqarolarning saylov huquqlari kafolatlarini ta`minlashga qaratilgan huquqni qo`llash amaliyotini izchillik bilan takomillashtirmoqda. Bunda xalqaro kuzatuvchilar, xususan, EXHT Demokratik institutlar va inson huquqlari bo`yicha byurosining o`tgan saylovlardagi kuzatuvlari natijalari bo`yicha tavsiyalari inobatga olinmoqda. 

EXHT Demokratik institutlar va inson huquqlari bo`yicha byurosi saylov qonunchiligiga kiritilgan so`nggi o`zgartishlar, jumladan, siyosiy partiyalar tomonidan ko`rsatilgan O`zbekiston Respublikasi Prezidenti nomzodini qo`llab-quvvatlash uchun saylovchilarning zarur imzolari 5 foizdan 1 foizga kamaytirilganini ijobiy baholadi. 

EXHT Demokratik institutlar va inson huquqlari bo`yicha byurosining Ehtiyojlarni baholash missiyasi ekspertlari Markaziy saylov komissiyasi tomonidan okrug saylov komissiyalari vakillari uchun o`tkazilgan onlayn seminar-treninglarga ham yuqori baho berdi. 

Uchrashuvda EXHT Demokratik institutlar va inson huquqlari bo`yicha byurosining Ehtiyojlarni baholash missiyasi ekspertlari faoliyatini samarali tashkil etish, ikki tomonlama hamkorlikni yanada mustahkamlashga oid masalalar yuzasidan o`zaro fikr almashildi.

Шарҳлар

Fotofakt: Samarqand va Farg`onada ba`zi saylov byulletenlari bekor qilindi

25.12.2019, 13:34

Markaziy saylov komissiyasi rasmiy kanalining ma`lumotlari ko`ra, Samarqand va Farg`ona viloyatlari saylov okruglarida ba`zi saylov byulletenlari Okruglar saylov komissiyalari va Saylov kodeksining tegishli moddalariga ko`ra...
Saylov-2019: Toshkent shahridagi 14 ta saylov okrugi deputatlari qayta saylanadi (video)

25.12.2019, 13:10

Tokent shahar  hokimligi Matbuot hizmatining xabar berishicha, bu yilgi saylovlarda Toshkent shahridagi 60 ta saylov okrugidan 46 tasida deputatlikka nomzodlar 50 % ortiq ovoz to`plab,...
Mirishkor tumanidagi saylovga atalgan “Ko`rdim, chiroqni yoq!” maqolasiga munosabat bildirildi

23.12.2019, 11:31

Fasebook ijtimoiy tarmog`ining “Xalq bilan muloqot” guruhidagi bloger Karimberdi Turamurodning “Ko`rdim, chiroqni yoq!” sarlavhali xabar e`lon qilindi. Makur xabar bo`yicha  Qashqadaryo viloyat saylov komissiyasi tomonidan o`rganish...
Qozog`istonda O`zbekiston Oliy Majlisi deputatligi uchun ovoz berish boshlandi

13.12.2019, 08:50

Qozog`istonda 12 dekabr kuni O`zbekiston Respublikasi Oliy Majlisi Qonunchilik palatasi deputatligiga nomzodlarga muddatidan avval saylovlar boshlandi, deb xabar bermoqda Kazinform’ga tayannib O`zA.“Fuqarolarga imkon qadar qulay...