Bugun ijtimoiy tarmoqlarda tarqalgan Surxondaryo viloyati hokimi ishtirokida o`tkazilgan yig`ilishda Sariosiyodagi 29-maktab direktori Umida Tursunova bilan bog`liq holat keskin muhokamalarga sabab bo`lmoqda.
Unda direktor ayol nohaq ishdan bo`shatilganini aytib, qator nohafliklarni gapirib tashlar ekan, “Miltiq bo`lsa otib tashlang” deya jonidan o`tib ketganini bildirgan. Videoda ayolni IIB xodimlari olib chiqib ketgani aks etgan. Shundan so`ng, direktorning qamab qo`yilgani haqida xabarlar tarqaldi.
Ayni paytda holat bo`yicha Maktabgacha va maktab ta`limi vaziri munosabat bildirdi.
“Surxondaryo viloyati Sariosiyo tumanidagi 28-maktab direktori bilan bog`liq vaziyatni shaxsan o`z nazoratimga oldim. Maktab direktori ayni damda ma`muriy qamoq jazosidan ozod etildi.
Shu o`rinda ta`lim sohasida faoliyat yuritayotgan har bir shaxs o`z muomala madaniyati bilan barchaga o`rnak bo`lishi lozimligini eslatib o`tmoqchiman”, - deyilgan vazir munosabatida.
