Ijtimoyi tarmoqlarda “Toshshahartransxizmat” aksiyadorlik jamiyatining binosi yonayotgani aks etgan video tarqaldi. Holat yuzasidan "Toshshahartransxizmat" matbuot kotibi Muslima Obidova izoh berdi.
Aytilishicha, jamiyat binosning bir qismi tijorat bankiga ijaraga berilgan.
“Ijaraga olgan bank tomonidan xonalar ta`mirlanayotgan bo`lgan. Payvandlash jarayonida qurilish materiallaridan tutun chiqqan. Voqea soat 14:40 da sodir bo`lgan, yong`in xavfsizligi xodimlari 4 daqiqada etib kelib, tutunni bartaraf etgan”, — deyiladi ma`lumda.
Qo`shimcha qilinishicha, yong`in oqibatida hech kim tan jarohati olmagan. Zarar miqdori o`rganilmoqda.
