Ижтимойи тармоқларда “Тошшаҳартрансхизмат” акциядорлик жамиятининг биноси ёнаётгани акс этган видео тарқалди. Ҳолат юзасидан "Тошшаҳартрансхизмат" матбуот котиби Муслима Обидова изоҳ берди.
Айтилишича, жамият биноснинг бир қисми тижорат банкига ижарага берилган.
“Ижарага олган банк томонидан хоналар таъмирланаётган бўлган. Пайвандлаш жараёнида қурилиш материалларидан тутун чиққан. Воқеа соат 14:40 да содир бўлган, ёнғин хавфсизлиги ходимлари 4 дақиқада етиб келиб, тутунни бартараф этган”, — дейилади маълумда.
Қўшимча қилинишича, ёнғин оқибатида ҳеч ким тан жароҳати олмаган. Зарар миқдори ўрганилмоқда.
