Avval xabar qilganimizdek, Bugun, 28 sentyabr kuni Toshkent shahar Sergeli tumani "Quruvchilar" dahasida joylashgan bojxona omborxonasida kuchli chaqnash oqibatida yong`in sodir bo`ldi. Ayni paytga qadar berilgan ma`lumotlarga ko`ra, portlash va yong`in oqibatida jarohatlanganlar bor, qurbonlar haqida ma`lumot yo`q, hududddagi qator xonadonlar va boshqa ob`ektlar jiddiy zararlangan.
Ma`lum qilinishicha, Sergeli tumanidagi portlash va yong`in bo`yicha vaziyat Toshkent hokimligi tomonidan to`liq nazoratga olingan. Quruvchi massividagi portlashda jabrlangan uy egalariga etkazilgan zarar qoplanadi.
“Moddiy zarar 2-3 kun ichida qoplanadi, bu muammolarni hal qilamiz”, dedi favqulodda hodisa joyiga etib kelgan Toshkent hokimi Shavkat Umurzoqov.
