Bugun ertalab qalin tuman Farg`ona, Namangan va Samarqand aeroportlarida reyslarning qo`nishi va uchishini cheklab qo`ydi. Bu haqda "Uzbekistan airports" xabar bermoqda.
Irkutsk – Farg`ona yo`nalishi bo`yicha "SBI-6323" reysini amalga oshirayotgan "S7 Airlines" samolyoti belgilangan aeroportdagi noqulay ob-havo sharoiti (tuman, ko`rish masofasi 50 m) tufayli kecha tunda mahalliy vaqt bilan soat 23:27 da Namangan aeroportidagi muqobil aerodromga qo`ngan. Ichidagi 177 nafar yo`lovchi Farg`onaga er usti transporti orqali etkaziladi.
Soat 00:10 dan boshlab Namangan aeroportini tuman qoplab, ko`rish masofasi pasayigani sababli samolyotlarni qabul qilishda vaqtinchalik cheklovlar joriy etilgan.
Shuningdek, kechqurungi qalin tuman tufayli faoliyati cheklangan Samarqand xalqaro aeroporti ertalabdan ish boshladi.
