Toshkent viloyati bojxona boshqarmasi Kontrabandaga qarshi kurashish bo`limi, DXX va IIV tezkor xodimlari bilan hamkorlikda hamda yo`l patrul xizmati xodimlari yordamida keng qamrovli tezkor tadbir o`tkazildi. Bu haqda Bojxona Matbuot xizmati xabar bermoqda.
Tadbir davomida Toshkent viloyati “Chinor” yo`l patrul xizmati maskanida, fuqaro boshqaruvidagi “KIA” rusumli bo`lgan yuk avtotransport vositasi to`xtatilib ko`zdan kechirildi.
Xodimlarni chalg`itish maqsadida avtotransport yuk xonasining oldi qismiga xufiyona tarzda ko`katlar ostida 9 dona karton qutilarda pirotexnika vositalari yashirilganligi aniqlandi. Surishtiruv ishlar davomida ushbu pirotexnika vositalari xorijda ishlab chiqarilgan va chetdan noqonuniy olib kirilganligi ma`lum bo`ldi.
Dastlabki hisob-kitoblarga ko`ra, aniqlangan salkam 86 ming dona pirotexnika vositalarining umumiy qiymati 200 mln. so`mdan oshmoqda.
Hozirda, holat yuzasidan surishtiruv ishlari olib borilmoqda.
