Joriy yilning 1 dekabr holatiga 315 829 nafar o`zini o`zi band qilgan shaxs 84,6 mlrd so`m miqdorida ijtimoiy soliq to`lab mehnat stajiga ega bo`ldi. Bu haqda Soliq qo`mitasi matbuot xizmati xabar qilmoqda.
Ma`lum qilinishicha, Soliq kodeksining 408-moddasiga ko`ra, o`zini o`zi band qilgan shaxslar mehnat stajiga ega bo`lishi uchun ixtiyoriy ravishda yilda bir marotaba BHMning 1 barobaridan kam bo`lmagan miqdorda (340 000 so`m) ijtimoiy soliq to`lashlari mumkin.
Qayd etilishicha, ijtimoiy soliqlar kelajakda o`zingiz uchun pensiya hisoblanishiga asos bo`ladi.
