Ijtimoiy tarmoqlarda Andijon viloyati Bo`ston tumani gaz ta`minoti bo`limi tasarrufidagi suyultirilgan gaz balonlari saqlanuvchi omborda yong`in sodir bo`lgani haqida videoxabarlar tarqaldi.
Viloyat hokimligi axborot xizmatining ma`lumotiga ko`ra, yong`in 12 yanvar kuni sodir bo`lgan. Ombordagi gaz balonlaridan birida ro`y bergan chaqnash oqibati yong`in kelib chiqqan. Ofat FV xodimlari tomonidan to`liq o`chirilgan.
Hodisa oqibatida bir nafar inson engil tan jarohati olgani aytilmoqda. Qurbonlar yo`q.
