Toshkent viloyati Angren shahrida hojatxona ichidan chaqaloq topilgani haqida xabarlar tarqaldi. Shahar hokimligi mazkur xabarlarga izoh berdi.
Qayd etilishicha, holat yuzasidan tarqalgan videomaterial o`rganilgan. Mazkur material bo`yicha tezkor surishtiruv ishlari olib borilgan.
Angrenda joriy yilning bugungi kun holatiga bu kabi voqealar qayd etilmagan.
Ushbu videomaterial Angren shahri hududi uchun feyk (yolg`on xabar) bo`lib, noto`g`ri ma`lumot berilgani aniqlandi.
