Qozog`istonning tinchlikparvar kuchlari Yaqin Sharq va Afrika mamlakatlariga yuboriladi. Bu haqda “Tengrinews” nashri xabar berdi.
Bunday taklif deputatlar muhokamasiga Prezident Qosim-Jomart To`qaev tomonidan kiritilgan. Parlament a`zolari bir ovozdan tinchlikparvar kuchlarni yuborishga ovoz berishga rozi bo`lgan.
Qozog`iston BMT missiyalarida ishtirok etish uchun 430 nafargacha askarlarini jo`natadi. Jumladan, ular:
- "Birlashgan Millatlar Tashkilotining Golan tepaliklarida bo`linish bo`yicha kuzatuvchi kuchlari" (Suriya – Isroil);
- “BMT sulh nazorati tashkiloti” (Falastin – Isroil);
- "Janubiy Sudan Respublikasidagi BMT missiyasi" (Janubiy Sudan);
- "Birlashgan Millatlar Tashkilotining Abei uchun vaqtinchalik xavfsizlik kuchlari" (Sudan) tarkibiga kirishi mumkin.
“Qozog`iston Qurolli kuchlari alohida harbiy xizmatchilarni ham harbiy kuzatuvchilar, ham shtab ofiserlari, shuningdek, BMT missiyalarida eng ko`p talab qilinadigan: piyodalar, tibbiy, razvedka, muhandislik bo`linmalari bilan ta`minlashga tayyor”, deydi parlament palatalarining qo`shma majlisida Mudofaa vaziri Ruslan Jaqsiliqov.
Vazir 139 nafar harbiy xizmatchidan iborat birinchi mustaqil milliy tinchlikparvar kontingentni harbiy texnika, qurol-yarog` va mol-mulk bilan birgalikda Golan tepaliklarida qo`zg`aluvchanlikni nazorat qilish uchun BMT missiyasiga zaxira kompaniya sifatida yuborilganini alohida ta`kidlagan.
