Bundesver xavfsizlik idoralari, favqulodda xizmatlar va ittifoqchilar bilan birgalikda mamlakatni himoya qilish uchun maxfiy rejani ishlab chiqmoqda. "Sovuq urush" davri tugaganidan beri birinchi marta bunday choralar ko`rilmoqda, deya xabar bermoqda Zamon.uz.
Bundesver tahdidlarning bir necha turini qayd etdi, ularning ba`zilari allaqachon kuzatilmoqda. Gap soxta yangiliklar va dezinformasiya haqida ketmoqda. Buning yordamida dushman hokimiyat, jamoatchilik fikri va ommaviy axborot vositalarining qarorlariga ta`sir o`tkazishga harakat qilmoqda.
Energetika va telekommunikasiya tarmoqlariga kiberhujumlar qayta boshlanishi kutilmoqda. Shuningdek maqsadli josuslik va boshqa tahdidlar sanab o`tilgan.
Bundesverga ko`ra, reja mart oyining oxiriga qadar tayyor bo`lishi kerak.
