Tezkor tadbirda yana bir mansabdor shaxs pora bilan qo`lga tushdi. Bu haqida Darakchi.uz`ga DXX Samarqand viloyati boshqarmasi ma`lum qildi.
1994 yilda tug`ilgan Samarqand viloyat Sport boshqarmasi Milliy va noolimpiya sport turlarini qo`llab-quvvatlash bo`limi bosh mutaxassisi K.Sh. 3 400 AQSh dollari miqdoridagi pullarni pora sifatida olayotgan vaqtda ashyoviy dalillar bilan ushlandi.
U fuqarolardan biriga “Yaxshi xizmatlari uchun fidoyi inson” ko`krak nishonini olib berish uchun 1 000 AQSh dollari, boshqa bir fuqaroni esa mansabdor tanishlari orqali Qarshi xalqaro universitetining 3-bosqichiga o`qishga kiritib qo`yishni va`da qilib, evaziga 2 400 AQSh dollari talab qilgan.
Hozirda unga nisbatan O`zbekiston Respublikasi Jinoyat Kodeksining tegishli moddalari bilan jinoyat ishi qo`zg`atilib, tergov harakatlari olib borilmoqda.