Самарқандда яна бир мансабдор шахс пора билан қўлга тушди

ЖИНОЯТ 06.02.2024, 20:31
Самарқандда яна бир мансабдор шахс пора билан қўлга тушди

Тезкор тадбирда яна бир мансабдор шахс пора билан қўлга тушди. Бу ҳақида Darakchi.uz`га ДХХ Самарқанд вилояти бошқармаси маълум қилди.

1994 йилда туғилган Самарқанд вилоят Спорт бошқармаси Миллий ва ноолимпия спорт турларини қўллаб-қувватлаш бўлими бош мутахассиси К.Ш. 3 400 АҚШ доллари миқдоридаги пулларни пора сифатида олаётган вақтда ашёвий далиллар билан ушланди. 

У фуқаролардан бирига “Яхши хизматлари учун фидойи инсон” кўкрак нишонини олиб бериш учун 1 000 АҚШ доллари, бошқа бир фуқарони эса мансабдор танишлари орқали Қарши халқаро университетининг 3-босқичига ўқишга киритиб қўйишни ваъда қилиб, эвазига 2 400 АҚШ доллари талаб қилган.

Ҳозирда унга нисбатан Ўзбекистон Республикаси Жиноят Кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.

 

 

Шарҳлар

Об-ҳаво: Тошкент
Валюта курси
1