Mo`g`ulistonning sobiq prezidenti Vladimir Putinning Taker Karlsonga bergan intervyusida Ukraina har doim Rossiya imperiyasining bir qismi bo`lib kelgan, degan da`vosini masxara qildi.
Qayd etilishicha, zamonaviy Mo`g`ulistonning o`zi XX asrning ko`p qismida Sovet Ittifoqi tomonidan boshqariladigan kommunistik yo`ldosh sifatida Rossiya bo`yinturug`i ostida edi.
Ammo bundan ancha oldin, sobiq prezident Elbegdorj Saxia X da ta`kidlaganidek, mo`g`ullar tarixdagi eng yirik qit`a imperiyasini, shu jumladan zamonaviy Rossiyani ham boshqargan.
“Putinning nutqidan keyin. Men Mo`g`ulistonning tarixiy xaritasini topdim. Havotir olma. Biz tinch va ozod xalqmiz”, deb yozdi u tvitterda.
Kreml rahbari o`tgan hafta Moskvada Karlson bilan ikki soatlik «intervyu»da aytilgan tarixiy chalkash bayonotlar uchun keng tanqid qilindi.
Tanqidlarga ko`ra, Putin keyingi davrlarning ko`p qismida Moskva, Kiev va Novgorod Mo`g`ullar imperiyasi hukmronligi ostida bo`lganini, 13-asrda Chingizxon va uning avlodlari hukmronligi cho`qqisiga chiqqanini ham eslatib o`tishni unutgan.
60 yoshli Elbegdorj 1990 yilda kommunistik boshqaruvni tugatishga qaratilgan inqilob etakchilaridan biri bo`lgan va keyinchalik mustaqil Mo`g`ulistonning bosh vaziri va prezidenti lavozimlarida ishlagan. Uning tarafdorlari uni “Demokratiyaning oltin chumchuqi” deb atashadi.
