Dehqonobodda 35 yildan buyon shar`iy nikoh asosida yashab kelgan fuqarolarga nikoh guvohnomasi rasmiylashtirib berildi. Bu haqda Qashqadaryo viloyati Adliya boshqarmasi xabar qildi.
Dehqonobod tuman FHDY bo`limi hamda Davlat xizmatlari markazi xodimlari tomonidan "Hech bir shaxs hujjasiz qolmaydi" huquqiy aksiya doirasida tuman markazidan 100 km uzoqlikda joylashgan "Chambil" MFY Avjin qishlog`ida yashovchi fuqarolar Xurramov Safar va turmush o`rtog`i Normatova Malohat 35 yildan buyon shar`iy nikoh asosida yashab kelayotgan edi. Bugun ularning murojaati asosida qonuniy nokohini qayd etilib, nikoh guvohnomasi xonadoniga borgan holda topshirildi.
Ma`lumot uchun, Xurramov Safar va turmush o`rtog`i Normatova Malohat 7 nafar farzandning ota-onasi, 14 nabiraning, 1 nafar evaraning bobo-buvisi hisoblanadi.
