Avvalroq Qashqadaryoda qiz onasi vafotidan so`ng otasi unga va singlisiga shilqimlik qilganini aytgan edi. U onasining o`limidan so`ng, otasi N.R. unga nisbatan turli uyatsiz-buzuq harakatlar, shilqimliklar qilib, bir necha yil davomida muttasil kaltaklab ham kelganligi, turli haqoratlar bilan uning sha`ni-qadr qimmatini poymol qilganligini bildirgan.
Mazkur holat yuzasidan Bolalar ombudsmani qo`shimcha ma`lumot berdi.
Ma`lum qilinishicha, guruh tomonidan qizlarning qarindoshlaridan qay biri ular uchun yashash va ta`lim olish munosib sharoitlarini ta`minlay olishi masalasi har tomonlama o`rganildi.
Qarshi shahar hokimining tegishli qarori bilan M.Sh. va N.Sh. lar vafot etgan onasining opasi bo`lgan Q.D. (qizlarning xolasi) qizlarga vasiy etib tayinlandi.
Q.D. o`z homiy va vasiyligidagi voyaga etmagan M.Sh. (2008 yilda tug`ilgan) va N.Sh. (2010 yilda tug`ilgan) larni tarbiyalashi, ularning ta`minoti, sog`lig`i, jismoniy, ruhiy, ma`naviy va axloqiy kamoloti haqida g`amxo`rlik qilishi, shuningdek, ularning huquqlari, erkinliklari va qonuniy manfaatlarini himoya qilish uchun mas`ulligi tegishlicha yuklatildi.
