Samarqandda o`zini balandlikdan tashlamoqchi bo`lgan ayol qutqarib qolindi. Bu haqda Viloyat IIB xabar berdi.
Ma`lumotga ko`ra, bugun soat 16:00lar atrofida Samarqand shahrining Siyob kanali ko`prigida 1998 yilda tug`ilgan, 4 nafar farzandning onasi o`zini pastga tashlamoqchi bo`lgan.
Hodisaga rashk sabab bo`lgani aytilmoqda.
IIB xodimlari tomonidan ayol bilan olib borilgan profilaktik tushuntirish ishlaridan so`ng u niyatidan qaytgan va patrul-post xizmati hamda FVB xodimlari tomonidan qutqarib olingan.
Holat yuzasidan tergovga qadar tekshiruv harakatlari olib borilmoqda.
