Telegram ijtimoiy tarmog`ining ayrim guruhlarida ikki nafar fuqarolarning rasmlari bilan “mahallalarda bolalarni shular o`g`irlab ketar ekan” mazmunidagi xabarlar tarqatilmoqda.
Xabarlarga Samarqand viloyati IIB matbuot xizmati oydinlik kiritdi.
Ma`lum bo`lishicha, suratdagi shaxslar Buxoro viloyatdan Samarqandga qurilish ishlarida ishlash uchun kelgan bo`lib, ular bilan Nurobod tumani IIBda profilaktik suhbat o`tkazilib, javob berilgan.
“Viloyatda bola o`g`rilari bilan bog`liq tarqatilayotgan barcha xabarlar asossiz va haqiqatga to`g`ri kelmaydi.
Viloyatimiz hududida bu kabi birorta holat qayd etilmagan.
Ijtimoiy tarmoq foydalanuvchilaridan noto`g`ri ma`lumotlar tarqatmasliklarini, shu kabi xabarlarga aniqlik kiritish uchun IIB axborot xizmatiga murojaat qilishlarini so`raymiz!” deyiladi xabarda.
