Oliy Majlis Qonunchilik palatasi hamda mahalliy kengashlar dyeputatlari saylovi kampaniyasiga start berildi. Bu haqda Markaziy saylov komissiyasi matbuot hizmati xabar bermoqda.
Ma'lumki, Konstitutsiyaning 128-moddasiga muvofiq Oliy Majlis Qonunchilik palatasiga hamda Qoraqalpogʻiston Respublikasi Joʻqorgʻi Kengesiga, viloyatlar, tumanlar, shaharlar davlat hokimiyati vakillik organlariga saylov tegishincha ularning konstitutsiyaviy vakolat muddati tugaydigan yilda – oktabr oyi uchinchi oʻn kunligining birinchi yakshanbasida oʻtkaziladi.
Konstitutsiyaning 128-moddasiga va Saylov kodyeksining 14, 36-moddalariga muvofiq, Oliy Majlis Qonunchilik palatasi hamda mahalliy kengashlar deputatlari saylovi 2024 yil 27 oktabr, yakshanba kuni oʻtkaziladi.
Markaziy saylov komissiyasi tomonidan Konstitutsiya va Saylov kodeksida belgilangan muddatlardan kelib chiqib, bugundan, yani 2024 yil 26 iyuldan Oʻzbekiston Respublikasi Qonunchilik palatasi deputatlari va mahalliy kengashlar deputatlari saylovi boʻyicha saylov kampaniyasiga start berilib, Kalendar reja tasdiqlandi.
