Ijtimoiy tarmoqlarda Zangiota tumanida sodir bo‘lgan yo‘l-transport hodisasi aks etgan video tarqaldi.
Toshkent viloyati YHXBning xabar berishicha, YTH 15 oktyabr kuni soat taxminan 12:00 larda Toshkent viloyati Zangiota tumani "Nayman" MFY hududidan o‘tgan avtomobil yo‘lining 16-kilometrida sodir bo‘lgan.
1989 yilda tug‘ilgan haydovchi M.Z “Vaz 2101” rusumli transport vositasida yo‘l harakati qoidalarini buzib, qarama-qarshi yo‘nalishga chiqib ketgan. Svetafor chiroqlariga amal qilmasdan harakatlanib kelayotgan vaqtida ushbu yo‘lga qo‘shilish maqsadida ichki ko‘chadan chiqib kelgan 1987 yilda tug‘ilgan haydovchi Q.Q boshqaruvidagi "Niva" rusumli avtomobil bilan to‘qnashuv sodir etgan.
Natijada “Vaz 2101” rusumli avtomobil yo‘lovchisi 2009 tug‘ilgan A.Z yengil tan jarohati olib tuman shifoxonasiga murojaat qilgan.
Mazkur holat yuzasidan Zangiota tumani IIB YHXB tomonidan surishtiruv ishlari olib borilmoqda.
