«O‘zgidromet» joriy hafta davomida kuzatiladigan ob-havo ma’lumotini e’lon qildi.
Ma’lum qilinishicha, O‘zbekiston bo‘ylab 5 noyabrdan respublikada havo harorati pasayishni boshlaydi.
Havo harorati 5 noyabrda kunduzi 13-18 daraja iliq, 6 noyabrda 10-15 daraja iliq atrofida bo‘ladi, 7-8 noyabrda esa harorat 5-10 daraja iliqqacha pasayadi. Kechalari sovuq bo‘ladi. Respublika hududining katta qismida 7-8 noyabr kunlari harorat kechalari 0-5 daraja iliqqacha, ba’zi joylarda 2 daraja sovuqqacha, Ustyurtda 3-4 daraja sovuqqacha pasayadi.
5-6 noyabr kunlari respublikaning barchahududlari bo‘yicha yomg‘ir yog‘adi, ba’zi joylarda kuchli bo‘ladi.
7-8 noyabrda hududning katta qismida yomg‘ir kuzatilmaydi. 7 noyabr kuni Surxondaryoviloyati va Farg‘ona vodiysida, shuningdek, 7-8 noyabr kunlari Qoraqalpog‘istonRespublikasi va Xorazm viloyatining ayrim joylarida biroz yomg‘ir yog‘adi. Shimolda yomg‘irva ho‘l qor ko‘rinishidagi aralash yog‘ingarchilik bo‘lishi ehtimoli bor.
Tog‘larda vaqti-vaqti bilan yog‘ingarchilik (yomg‘ir, ba’zi joylarda qorga aylanadi), 5-6 noyabrda ba’zi joylarda kuchli bo‘ladi.
Toshkentda 4 noyabr kechqurun yomg‘ir yog‘adi, 5-6 noyabrda vaqti-vaqti bilan yomg‘ir yog‘ishi kutilmoqda. 7-8 noyabrda yog‘ingarchilik bo‘lmaydi. Harorat 5 noyabrda 15-17 daraja, 6 noyabrda 10-12 daraja, 7-8 noyabrda 7-10 daraja bo‘ladi.
