Toshkent – Nyu-York yo‘nalishi bo‘yicha HY101 reysida favqulodda holat sodir bo‘ldi. Bu haqda Milliy aviakompaniya xabar qilmoqda.
Ma’lum bo‘lishicha, HY101 reysi Toshkentdan Nyu-Yorkka jadval boyicha soat 06:47 da uchib ketgan. Parvoz davomida havo kemasi komandiri 1967 yilda tug‘ilgan, Rossiya fuqarosi bo‘lgan yo‘lovchining o‘zini yomon his qilgani sababli uchib ketish aeroportiga qaytishni so‘ragan. Soat 07:35 da havo kemasi Toshkent xalqaro aeroportiga kelib qo‘ngan, u yerda yo‘lovchini kutib turgan tibbiy yordam mashinasi orqali tibbiy muassasaga jo‘natildi.
HY101 reysining Toshkentdan uchish vaqti 09:30 (Toshkent vaqti bilan), Nyu-Yorkka yetib borish vaqti 12:30 (Nyu-York vaqti bilan).
