Halokat joriy yilning 5 noyabr kuni soat 13:30 larda "Qamchiq" dovoni hududidan o‘tuvchi A-373 avtomobil yo‘lining 258-kilometrida sodir bo‘lgan.
YHXX Matbuot xizmatining xabar berishicha, "Toshkent-Vodiy" yo‘nalishida harakatlanib kelayotgan yuk avtomobilining nosoz old g‘ildiragi chiqib ketishi natijasida yong‘in chiqqan.
"Hodisa natijasida tan jarohati olganlar yo‘q. Voqea joyida "Qamchiq" dovoni bo‘yicha YPX otryadi va FVV xodimlari holatni to‘liq nazoratga olishgan.
Ushbu yo‘nalishda harakat vaqtinchalik to‘xtatilgan. Yong‘in o‘chirilgach harakat zudlik bilan ochiladi.
Barcha haydovchilardan boshqaruvidagi transport vositasining texnik sozligiga e’tiborli bo‘lishlarini so‘raymiz", deyiladi xabarda.
