Toshkentda Xalqaro qilichbozlik federatsiyasining navbatdagi Kongressi muvaffaqiyatli o‘tkazildi.
Alisher Usmonov yana bir bor ushbu tashkilot rahbari etib saylangan. O‘zbekiston qilichbozlik federatsiyasi Bosh kotibi Gulnora Saidova Xalqaro qilichbozlik federatsiyasi Ijroiya qo‘mitasi a’zolari orasidan joy olgan.
Ma’lum qilinishicha, 2027 yilgi kattalar o‘rtasida o‘tkaziladigan jahon chempionati 20-28 iyul kunlari Toshkentda bo‘lib o‘tadi.
Shuningdek, tadbirda yil yakunlariga bag‘ishlangan taqdirlash marosimi ham bo‘lib o‘tdi. Unda yoshlar o‘rtasida jahon reytingini peshqadam sifatida yakunlagan sablyachi Fernanda Errera ham mukofotlandi.
Eslatib o‘tamiz, kecha poytaxtda qurilayotgan Olimpiya shaharchasini foydalanishga topshirish muddati kechikkani sababli Osiyo o‘yinlari mezbonligi Bahraynga topshirilgan edi.
