O‘zbekiston Jahon savdo tashkilotiga a’zo bo‘lish bo‘yicha Pokiston va Tailand bilan ikki tomonlama muzokaralarni yakunladi. Bu haqida Islom Respublikasining JSTdagi doimiy vakili Ali Sarfraz Husayn ma’lum qilgan.
Uchrashuvda O‘zbekiston bosh vaziri o‘rinbosari Jamshid Xo‘jayev ham ishtirok etdi.
S. Husayn ushbu protokol qardosh mamlakatni Jahon savdo tashkilotiga a’zo bo‘lishga yaqinlashtirishini qayd etgan.
Shu kuni Tailandning JSTdagi vakili Pimchanok Pitfild O‘zbekistonning tashkilotga a’zo bo‘lishi to‘g‘risidagi protokolni imzolaganini ma’lum qildi.
Avvalroq, O‘zbekistonning JSga a’zo bo‘lishishini Filippin, AQSH, Xitoy va Salvador qo‘llab-quvvatlagani haqida xabar bergan edik.
