Milliy olimpiya qo‘mitasi majlislar zalida O‘zbekiston o‘q otish sporti federatsiyasining navbatdan tashqari konferensiyasi bo‘lib o‘tdi. Bu haqda Qo‘mita Matbuot xizmati xabar qildi.
Yig‘ilishd O‘q otish sporti federatsiyasi raisi lavozimiga mudofaa vaziri general-mayor Shuxrat Xalmuxamedov nomzodi taklif etilib, yig‘ilish delegatlari tomonidan bir ovozdan ma’qullandi.
Yig‘ilish so‘ngida, yangi saylangan federatsiya raisi bildirilgan ishonch uchun ishtirokchilarga minnatdorchilik izhor etib, davlatimiz rahbarining 2024 yil 4 noyabrdagi “O‘q otish sport turlarini yanada rivojlantirish va ommalashtirish chora-tadbirlari to‘g‘risida”gi qarori talablari asosida o‘q otish sport turini ommalashtirish va rivojlantirishda barcha kuch va imkoniyatlarni ishga solishini bildirdi.
