Jahon sog‘liqni saqlash tashkiloti rahbari Tedros Adhanom Gebreyesus Yaman poytaxti Sana aeroportida Isroil havo kuchlari tomonidan hujumga uchradi. Bu haqda uning X ijtimoiy tarmog‘idagi rasmiy akkauntida xabar berilgan.
Uning so‘zlariga ko‘ra, u BMT bilan tashkilotning hibsga olingan xodimlarini ozod qilish bo‘yicha muzokaralar olib borish va Yamandagi gumanitar vaziyat holatini baholash bo‘yicha qo‘shma missiyada ishtirok etgan.
"Taxminan ikki soat oldin, biz Sanadan parvozga chiqmoqchi bo‘lganimizda, aeroport havodan bombardimon qilindi", deb yozdi JSST rahbari.
Gebreyesusning tushuntirishicha, missiya ekipaj a’zolaridan biri yaralangan, aeroportda kamida ikki kishi halok bo‘lgan. Shuningdek, zarbalar natijasida havo harakatini boshqarish minorasi, uchish zali va uchish-qo‘nish yo‘lagi ham zarar ko‘rgan.
JSST rahbarining qayd etishicha, kelganlardan biri delegatsiya joylashgan joydan bir necha metr narida bo‘lgan.
