Samarqandda 14 yoshli qiz o‘zini 9-qavatdan pastga tashlab joniga qasd qilgani aks etgan video ijtimoiy tarmoqlarga sizdirildi. darakchi.uz so‘roviga javoban Bosh prokuratura matbuot xizmati rahbari Hayot Shamsutdinov ma’lumot berdi.
Aniqlanishicha, joriy yilning 13 yanvar kuni soat 17:30 atrofida Samarqand viloyati Saxovat MFYda yashagan 29-maktabning 8-sinf o‘quvchisi voyaga yetmagan 2010 yilda tug‘ilgan M.R. Samarqand shahar Bahor MFYda joylashgan ko‘p qavatli turar joy binosining 8-qavat yo‘lak derazasidan o‘zini tashlab joniga qasd qilgan.
Mazkur holat yuzasidan Samarqand shahar prokuraturasi tomonidan tergovga qadar tekshiruv harakatlari olib borilmoqda.
Holatga aniqlik kiritish maqsadida sudga oid tibbiy ekspertizasi hamda mas’ul idoralarga xizmat tekshiruvi tayinlangan.
