SpaceX sinov parvozi vaqtida Starship prototipi halokatga uchraganini ma’lum qildi.
Kompaniya ma’lumotlariga ko‘ra, raketada balandlikka ko‘tarilish chog‘ida noodatiy nosozlik yuz bergan.
Internetda Starship raketasi portlashi va uni parchalarining qulashi aks etgan videolar paydo bo‘ldi. Tasvirlarda raketaning havoda portlagani, uning qismlari atmosferaga kirib, ortidan yorug‘ iz qoldirgani ko‘rinadi. Kema parchalari Karib dengizi uzra tungi osmonni yoritib yuborgan.
Shunga qaramay, SpaceX takomillashtirilgan uchirish minorasidan foydalanib, Super Heavy o‘ta og‘ir tezlatkichini ikkinchi marta muvaffaqiyatli ravishda Yerga qaytarishga erishdi.
