SpaceX синов парвози вақтида Starship прототипи ҳалокатга учраганини маълум қилди.
Компания маълумотларига кўра, ракетада баландликка кўтарилиш чоғида ноодатий носозлик юз берган.
Интернетда Starship ракетаси портлаши ва уни парчаларининг қулаши акс этган видеолар пайдо бўлди. Тасвирларда ракетанинг ҳавода портлагани, унинг қисмлари атмосферага кириб, ортидан ёруғ из қолдиргани кўринади. Кема парчалари Кариб денгизи узра тунги осмонни ёритиб юборган.
Шунга қарамай, SpaceX такомиллаштирилган учириш минорасидан фойдаланиб, Super Heavy ўта оғир тезлаткичини иккинчи марта муваффақиятли равишда Ерга қайтаришга эришди.
