Abu-Dabi shahrida “Global o‘rta maktablar” nominatsiyasi bo‘yicha Shayx Zoid mukofoti sovrindori bo‘lgan Prezident maktabi ikki nafar o‘quvchisining ota-onasi va ustoziga Prezident nomidan BYD avtomobili sovg‘a qilindi.
Mukofotni topshirish marosimida Bosh vazir Abdulla Aripov hamda Prezident yordamchisi Saida Mirziyoyeva ishtirok etdi.
Eslatib o‘tamiz, joriy yilning 14 yanvar kuni Toshkent shahridagi Prezident maktabi barqaror rivojlanish bo‘yicha Shayx Zoid al Nahayon nomidagi nufuzli mukofotning “Global o‘rta maktablar” nominatsiyasida g‘olib deb topildi. Mukofotni Birlashgan Arab Amirliklari prezidenti Shayx Muhammad bin Zoid al Nahayon topshirdi. Ushbu tadbir Prezident Shavkat Mirziyoyevning BAAda bo‘lgan tashrifi chog‘ida bo‘lib o‘tdi.
