Suriyaning sobiq rahbari urush jinoyatlari va insoniyatga qarshi jinoyatlar, qotilliklarga sheriklikda va armiya tomonidan tinch aholiga qarshi qasddan hujum uyushtirganlikda ayblanmoqda.
Fransiya Suriyaning sobiq prezidenti Bashar Asadni 2017 yilda sodir etilgan harbiy jinoyatlar bilan bog‘liq ayblovlar bo‘yicha hibsga olish uchun yangi order berdi.
Fransiyaning ikki tergov sudyasi Suriyaning hokimiyatdan ag‘darilgan yetakchisi Bashar Asadni harbiy jinoyatlarga aloqadorlikda gumon qilib, hibsga olishga order berdi, bu Fransiya sud organlarining ikkinchi urinishi hisoblanadi.
O‘tgan yil oxirida Suriya muxolifati tomonidan tezkor hujumi natijasida hokimiyatdan ag‘darilgan Asad dushanba kuni "qurolli kuchlar bosh qo‘mondoni" sifatida 2017 yilda Suriyaning Dera shahrida halok bo‘lgan bomba portlashi uchun javobgar deb topilgan.
Order 2017 yil 7 iyunda Suriya armiyasi vertolyotlari tomonidan uyi bombardimon qilishi natijasida halok bo‘lgan 59 yoshli asli suriyalik Fransiya fuqarosi va sobiq fransuz tili o‘qituvchisi Saloh Abu Nabout ishi bo‘yicha tergov doirasida berilgan.
Manbaga ko‘ra, Fransiya adliya tizimi Asad bu hujum uchun buyruq bergan va vositalarni taqdim etgan deb hisoblaydi.
Suriya armiyasining olti nafar yuqori martabali amaldori 2018 yilda boshlangan tergovda bu ish yuzasidan Fransiya hibsga olish uchun orderlarning nishoniga aylangan.
"Bu ish men va mening oilam boshidan ishongan adolat uchun uzoq davom yetgan kurashning cho‘qqisini ko‘rsatadi", dedi marhumning o‘g‘li Umar Abu Nabout.
U "sud bo‘lib o‘tishi va jinoyatchilar qayerda bo‘lishidan qat’i nazar, hibsga olinishi va hukm qilinishiga" umid bildirdi.
Abdulloh Sayyid
