Суриянинг собиқ раҳбари уруш жиноятлари ва инсониятга қарши жиноятлар, қотилликларга шерикликда ва армия томонидан тинч аҳолига қарши қасддан ҳужум уюштирганликда айбланмоқда.
Франция Суриянинг собиқ президенти Башар Aсадни 2017 йилда содир этилган ҳарбий жиноятлар билан боғлиқ айбловлар бўйича ҳибсга олиш учун янги ордер берди.
Франциянинг икки тергов судяси Суриянинг ҳокимиятдан ағдарилган етакчиси Башар Асадни ҳарбий жиноятларга алоқадорликда гумон қилиб, ҳибсга олишга ордер берди, бу Франция суд органларининг иккинчи уриниши ҳисобланади.
Ўтган йил охирида Сурия мухолифати томонидан тезкор ҳужуми натижасида ҳокимиятдан ағдарилган Aсад душанба куни "қуролли кучлар бош қўмондони" сифатида 2017 йилда Суриянинг Дера шаҳрида ҳалок бўлган бомба портлаши учун жавобгар деб топилган.
Ордер 2017 йил 7 июнда Сурия армияси вертолётлари томонидан уйи бомбардимон қилиши натижасида ҳалок бўлган 59 ёшли асли суриялик Франция фуқароси ва собиқ француз тили ўқитувчиси Салоҳ Aбу Набоут иши бўйича тергов доирасида берилган.
Манбага кўра, Франция адлия тизими Aсад бу ҳужум учун буйруқ берган ва воситаларни тақдим этган деб ҳисоблайди.
Сурия армиясининг олти нафар юқори мартабали амалдори 2018 йилда бошланган терговда бу иш юзасидан Франция ҳибсга олиш учун ордерларнинг нишонига айланган.
"Бу иш мен ва менинг оилам бошидан ишонган адолат учун узоқ давом етган курашнинг чўққисини кўрсатади", деди марҳумнинг ўғли Умар Aбу Набоут.
У "суд бўлиб ўтиши ва жиноятчилар қаерда бўлишидан қатъи назар, ҳибсга олиниши ва ҳукм қилинишига" умид билдирди.
Абдуллоҳ Саййид
