Yaqin kunlarda O‘zbekistonda o‘z-o‘ziga kredit olishni taqiqlash bo‘yicha yangi qonun kuchga kirishi kutilmoqda. Bu haqda Kredit byurosi – CRIF kredit-axborot xizmatlari bosh direktori Mirsardor Usmonov ma’lum qilgan.
Shaxs o‘z xohishiga ko‘ra kredit olishni taqiqlashi va bu orqali ortiqcha moliyaviy majburiyatlardan saqlanishi mumkin.
Yangi tartib kuchga kirgach, Davlat xizmatlari yagona portali, davlat xizmatlari markazlari yoki kredit byurolari orqali ariza berish mumkin bo‘ladi. Bu xizmat bepul taqdim etiladi.
Kredit olishni taqiqlagan shaxslar uchun maxsus reyestr yuritiladi. Agar shaxs taqiqni olib tashlamoqchi bo‘lsa, ushbu platformalar orqali murojaat qilishi mumkin.
Qonun parlament tomonidan ko‘rib chiqilmoqda.
