Яқин кунларда Ўзбекистонда ўз-ўзига кредит олишни тақиқлаш бўйича янги қонун кучга кириши кутилмоқда. Бу ҳақда Kredit byurosi – CRIF кредит-ахборот хизматлари бош директори Мирсардор Усмонов маълум қилган.
Шахс ўз хоҳишига кўра кредит олишни тақиқлаши ва бу орқали ортиқча молиявий мажбуриятлардан сақланиши мумкин.
Янги тартиб кучга киргач, Давлат хизматлари ягона портали, давлат хизматлари марказлари ёки кредит бюролари орқали ариза бериш мумкин бўлади. Бу хизмат бепул тақдим этилади.
Кредит олишни тақиқлаган шахслар учун махсус реестр юритилади. Агар шахс тақиқни олиб ташламоқчи бўлса, ушбу платформалар орқали мурожаат қилиши мумкин.
Қонун парламент томонидан кўриб чиқилмоқда.
