Avval xabar berganimizdek, “Hududiy elektr tarmoqlari” AJ tomonidan yoqilg‘i-energiya resurslarini talon-toroj qilish holatlarini aniqlash va ularga nisbatan tegishli choralar ko‘rish yuzasidan hududlarda nazorat tadbirlari o‘tkazilmoqda.
Olib borilgan amaliy harakatlar natijasida birgina yanvar oyi davomida o‘tkazgan reyd tadbirlari davomida ayrim iste’molchilar tomonidan umumiy qiymati 17 411,3 mln so‘mlik (10 051 619 ming kVt•soat) elektr energiyasidan qonunga xilof ravishda foydalanish holatlari aniqlangan.
To‘plangan materiallar yuzasidan qayta hisob-kitob qilinib, tegishli hujjatlar huquqni muhofaza etuvchi organlarga yuborilgan.
Elektr energiyasidan foydalanish qoidalariga rioya qilish bo‘yicha chora-tadbirlar davom etmoqda.
