Tramp Putindan Eron bilan yadroviy muzokaralarda vositachilik qilishni so‘radi. Putin rozi bo‘ldi.
Rossiya prezidenti Vladimir Putin AQSHning sobiq prezidenti Donald Tramp ma’muriyatiga Eron bilan aloqalarda yordam berishga rozi bo‘ldi. Bu aloqalarga Eron yadroviy dasturi va mintaqa bo‘ylab AQSHga qarshi guruhlarni qo‘llab-quvvatlash masalalari ham kirishi mumkin, deb xabar bermoqda manbalar.
Tramp bu masalaga bo‘lgan qiziqishini fevral oyida Vladimir Putin bilan telefon orqali suhbatda bevosita ma’lum qilgan. Bir necha kun o‘tib, uning ma’muriyatining yuqori martabali amaldorlari Saudiya Arabistonida rossiyalik hamkasblari bilan muzokaralar o‘tkazgan, deb xabar beradi Moskvadagi manbalar. Ular mavzuning nozikligi tufayli shaxslarini oshkor qilishdan bosh tortgan.
Oq uy rasmiylari ushbu xabarga darhol izoh berishmagan. Shuningdek, Rossiya yoki Eron ham bu talabni oshkora tasdiqlamadi yoki rad etmadi.
Kreml matbuot kotibi Dmitriy Peskov Bloomberg‘ga yuborilgan savollarga javoban: "Rossiya Eron va AQSH o‘zaro muammolarni muzokaralar yo‘li bilan hal qilishi kerak, deb hisoblaydi. Moskva bu jarayonda qo‘lidan kelgan barcha yordamni berishga tayyor", dedi.
Eron tashqi ishlar vazirligi vakili esa Rossiya Tehron va Vashington o‘rtasida vositachilik qilishni taklif etgani haqidagi savolga shunday javob berdi: "Bunday muhim masalalar bo‘yicha ko‘plab tomonlar yordam berishga tayyorligini bildirishi mumkin. Shu nuqtayi nazardan, boshqa davlatlar yordam taklif qilishi tabiiy", dedi Eron tashqi ishlar vazirligi matbuot kotibi Ismoil Bahoiy dushanba kuni Tehrondagi matbuot anjumanida.
2025 yil yanvar oyida lavozimga qayta kelganidan beri, Tramp AQSH-Rossiya munosabatlarini tiklashga urinmoqda. AQSH 2022 yilda Rossiyaning Ukrainaga bostirib kirgani ortidan Moskva bilan aloqalarni uzgan edi. Tramp 12 fevral kuni Putin bilan telefon orqali muloqot qilgan va urushni to‘xtatish masalasini bevosita muhokama qilgan. Shu bilan birga, ikki davlat Arktikadagi savdo yo‘nalishlari va tabiiy resurslar bo‘yicha hamkorlikka tayyor ekanliklarini bildirganlar.
Abdulloh Sayyid
