Pokistonda «Belujiston ozodlik armiyasi» separatistlari ichida 400 nafarga yaqin odam bo‘lgan yo‘lovchi poyezdiga hujum qildi. Jangarilar poyezd yo‘lovchilarini garovga olganliklarini iddao qilib, o‘z talablari bajarilmasa, ularni o‘ldirish bilan tahdid qilmoqda.
Hujum Jaffar Express kompaniyasiga tegishli poyezdga qilindi. U Kvetta shaxridan Ravalpindiiga yo‘l olgan bo‘lib, hodisa mamlakatning janubi–g‘arbida, Belujiston viloyatida sodir bo‘lgan.
Jangarilar harakatlari natijasida poyezd harakatlanishi to‘xtatilgan. Reuters agentligining ma’lum qilishicha, tarkib hozirgi vaqtda tonnel ichida turibdi. AFP agentligi esa politsiya vakillariga tayanib, poyezdning tog‘li hududda tonnelga kirishidan oldin to‘xtatilganini xabar qildi.
Politsiya ma’lumotiga ko‘ra, hodisa sodir bo‘lgan hudud yaqinida portlash va o‘q ovozlari eshitilgan. Mahalliy hokimiyatlar ma’lumotlariga ko‘ra, poyezd to‘xtatilgan hududda mobil aloqa va internet yo‘q.
Belujiston ozodlik armiyasi bayonotida aytilishicha, jangarilar poyezddagi yo‘lovchilar bilan birga hujumga qarshi chiqqan kuchlarni ham garovga olgan. Ular, agar politsiya va harbiylar ortga chekinmasa, garovdagilarni o‘ldirishini bildirdi.
Vlasti hozircha garovga olinganlar haqida rasmiy tasdiq bermadi. Politsiyaning ma’lum qilishicha, otishma vaqtida poyezd mashinisti yaralangan.
Hukumat vakillariga ko‘ra, hujum sodir bo‘lgan hududga qo‘shimcha xavfsizlik kuchlari yuborilgan. Belujiston hukumati vakili mahalliy Dawn nashriga bergan intervyusida harbiylar va jangarilar o‘rtasida shiddatli otishma ketishayotganini ma’lum qilgan.
Pokiston ichki ishlar vaziri Mohsin Nakvi poyezdga hujumni keskin qoralab, hukumat «beayb yo‘lovchilarga o‘q uzgan vahshiylarga imtiyoz bermasligini» ta’kidladi.
Ma’lumki, «Belujiston ozodlik armiyasi» 1970-yillarning boshlarida tashkil topgan separatistik guruh bo‘lib, Belujistonning mustaqilligini tan olish va mintaqaning barcha resurslarini to‘liq nazorat qilishni talab qiladi. U AQSH, Britaniya va Yevropa Ittifoqiga a’zo davlatlar tomonidan terroristik tashkilot sifatida tan olingan.
O‘tgan yili AOB jangarilari Belujiston viloyatida bir qator qo‘rqinchli teraktlarni amalga oshirgan.
2024 yil noyabr oyida jangarilar Kvetta temir yo‘l bekatida poyezdni portlatib yuborgan, natijada o‘nlab odam halok bo‘lgan, yana o‘nlab odam yaralangan edi.
Abdulloh Sayyid
