Buyuk Britaniya bosh vaziri Kir Starmer tomonidan tashkil etilgan Kiyev ittifoqdoshlarining onlayn sammitida London sulh tuzilgandan so‘ng o‘z harbiylarini Ukrainaga yuborishga tayyor bo‘lgan “juda ko‘p” mamlakatlarning qo‘llab-quvvatloviga ega bo‘ldi. Bu haqda The Sunday Times hukumatdagi yuqori martabali manbalariga tayanib xabar tarqatgan.
Ma’lum bo‘lishicha, kontingent soni 10 ming kishidan oshadi, tinchlikparvar kuchlarning asosiy qismi katta ehtimollik bilan Buyuk Britaniya va Fransiyadan bo‘ladi.
Shuningdek, taxminan 35 mamlakat tinchlikparvar missiya doirasida qurol-yarog‘, logistika va razvedka yordamini taqdim etishga tayyor, ekani aytilmoqda.
